Lögmaður innheimti ósanngjarnt endurgjald

Úrskurðarnefnd lögmanna hefur gert lögmanni að greiða tveimur umbjóðendum sínum rúmar fjórar milljónir króna að frádregnum innborgunum upp á rúma eina og hálfa milljón króna í tveimur aðskildum úrskurðum.

Lögmaðurinn innheimti ósanngjarnt endurgjald af umbjóðendum sínum fyrir hagsmunagæslu vegna afleiðinga umferðarslyss.

Innheimti rúmlega tvöfalt hæfilegt endurgjald

Hann innheimti af öðrum umbjóðanda sínum endurgjald upp á 2.354.669 kr. en tryggingarfélagið féllst á að greiða 10.372.554 kr. í bætur með vöxtum og innheimutþóknun lögmanns upp á 715.874 kr. með virðisaukaskatti. Nefndin taldi hæfilegt endurgjald vera 1.252.780 kr.

Af hinum umbjóðandanum innheimti lögmaðurinn endurgjald upp á 2.953.803 kr. en tryggingarfélagið féllst á að greiða 10.600.407 kr. í bætur með vöxtum og innheimutþóknun lögmanns upp á 734.387 kr. með virðisaukaskatti. Nefndin taldi hæfilegt endurgjald vera 1.285.177 kr.

Nefndin taldi hæfilegt endurgjald vera 75% álag á þóknun tryggingarfélagsins til lögmannsins en innheimt endurgjald samsvaraði nærri fjórum sinnum þóknun tryggingarfélagsins eða rúmlega tvisvar sinnum hæfilegt endurgjald að mati úrskurðarnefndar lögmanna.

• 1 blogg um fréttina

Bloggað um fréttina

• Birgir Örn Guðjónsson: Svindlarar