Eftir því sem nær dregur leiðtogafundi Evrópuráðsins í Reykjavík í næstu viku verða fleiri ummerki hans ljós. Undirbúningur fyrir fundinn er í fullum gangi á mörgum vígstöðvum.

Þannig var í gærmorgun búið að koma fyrir fjölda Audi-bíla á Reykjavíkurflugvelli, þar sem einkaþotur koma inn til lendingar með leiðtogana og aðstoðarmenn þeirra. Verða bílarnir notaðir til að flytja leiðtogana á milli staða.

Von er á yfir 40 leiðtogum til fundarins. Alls munu 26 einkaþotur lenda í Reykjavík og Keflavík og dæmi um að allt að fjórir leiðtogar hafi sameinast í eina vél. Þá munu um 20 sendinefndir ríkjanna koma með áætlunarflugi til Keflavíkur. Þær vélar sem munu lenda í Reykjavík verða þar á meðan fundi stendur 16. til 17. maí næstkomandi.

Tengdar fréttir

Leiðtogafundur Evrópuráðsins í Hörpu

Fundurinn notaður sem afsökun fyrir vopnavæðingu

• Keypti glock-skammbyssur fyrir 30 milljónir
• Keypti 175 skothelda hjálma á 34 milljónir
• Keypti smellubindi fyrir rúmar 300 þúsund krónur
• Leiðtogafundurinn kostaði skildinginn

» Fleiri tengdar fréttir