„Ég held að Reykjavíkuryfirlýsingin, „Reykjavik Declaration“, verði yfirlýsing sem verður vísað til í framtíðinni og fundurinn verði sögulegur af ýmsum ástæðum,“ segir Þórdís.

Frétt af mbl.is

Þetta eru leiðtogarnir sem mæta í Hörpu

Fundurinn verður haldinn í Hörpu en í gær hófst fólk handa við að gera húsið tilbúið fyrir viðburðinn. „Við fengum Hörpu afhenta klukkan 18 í dag en starfsfólk Hörpu hefur reyndar verið í allan dag að stilla upp í sölum hússins,“ sagði Ragnar Þorvarðarson, framkvæmdastjóri leiðtogafundarins, þegar blaðið tók púlsinn á honum í gærkvöldi en Harpa verður lokuð vegna viðburðarins.

Kort/mbl.is

„Stóri salurinn verður settur upp eins og hjá alþjóðastofnunum. Eins og við höfum séð hjá Evrópuráðinu í Strassborg eða hjá Sameinuðu þjóðunum í New York eða Genf. Það verða merkingar fyrir hvert ríki í stóra salnum og á morgun [í dag] verður frágangur á því.“

Ragnar segir að allt sé á áætlun í undirbúningnum fyrir viðburðinn. „Já, undirbúningurinn hefur gengið mjög vel. Við búum að því að eiga þetta frábæra hús, Hörpu, og þar er fagfólk sem hefur mikla þekkingu á skipulagningu á stórum viðburðum. Einnig höfum við unnið með viðburðafyrirtæki. Samstarfið milli ráðuneyta, stofnana og lögreglu hefur verið afburðagott og þar koma stuttar boðleiðir sér vel,“ segir Ragnar.

Tengdar fréttir

Leiðtogafundur Evrópuráðsins í Hörpu

Fundurinn notaður sem afsökun fyrir vopnavæðingu

• Keypti glock-skammbyssur fyrir 30 milljónir
• Keypti 175 skothelda hjálma á 34 milljónir
• Keypti smellubindi fyrir rúmar 300 þúsund krónur
• Leiðtogafundurinn kostaði skildinginn

» Fleiri tengdar fréttir