Rússar segja að ákvörðun Íslands muni kosta

Rússneska utanríkisráðuneytið segir að „and-rússneskum aðgerðum ráðamanna í Reykjavík verði óhjákvæmilega svarað,“ í yfirlýsingu í dag.

Ákvörðun íslenskra stjórnvalda um að draga úr diplómatískum samskiptum við Rússland muni „eyðileggja allt samstarf Rússlands og Íslands.“ Fréttastofa Reuters greinir frá þessu.

Frétt af mbl.is

Loka sendiráði Íslands í Moskvu

"Við munum taka tillit til þessarar óvinsamlegu ákvörðunar þegar við byggjum upp tengsl okkar við Ísland í framtíðinni. Öllum and-rússneskum aðgerðum Reykjavíkur munu óhjákvæmilega fylgja samsvarandi viðbrögð," segir í yfirlýsingunni.

Búist er til þess að rússneski sendiherrann láti af störfum hér á landi, þegar íslenski sendiherrann í Rússlandi snýr heim frá Moskvu. mbl.is/Eggert

Minnka umsvif í Rússlandi

Þórdís Kolbrún Reykfjörð Gylfadóttir utanríkisráðherra hefur ákveðið að leggja niður starfsemi sendiráðs Íslands í Moskvu frá 1. ágúst næstkomandi. Gert ráð fyrir að Rússar geri slíkt hið sama hér á landi og er til að mynda ætlast til þess að sendiherra Rússlands hætti störfum. 

Frétt af mbl.is

„Hálft skref í staðinn fyr­ir heilt“

Tók Þórdís þó sérstaklega fram að Ísland hygðist ekki slíta pólitísku samstarfi við landið, heldur minnka umsvif í landinu þangað til forsendur yrðu aðrar.

Frétt af mbl.is

Sér ekki fyrir sér að slíta stjórnmálasambandi

• 1 blogg um fréttina

Bloggað um fréttina

• Geir Ágústsson: Hlutverk utanríkisráðuneytisins