Útsýni skert eftir að gígbarmur brast
Setja bókamerki
Gígbarmur í eldgosinu við Litla-Hrút brast þegar klukkan var tíu mínútur yfir fjögur í nótt að sögn Huldu Rósar Helgadóttur, náttúruvársérfræðings hjá Veðurstofu Íslands.
Hraunið flæðir nú í vesturátt en gígurinn þarf að byggjast upp aftur til þess að hraun fari aftur að renna til suðurs.
Fólk sem fer eftir gönguleiðinni að skoða gosið stendur austan megin við það og eru því áhrifin af því að barmurinn hafi brostið helst þau að útsýni að hraunflæðinu skerðist.
„Fólk stendur þá ekki alveg við hinn virka hraunjaðar sem er vestan megin,“ segir Hulda.
Gosóróinn jókst aðeins í gærkvöldi og virtist vera aukin virkni í gosinu. Hann féll síðan niður um það leyti sem gígbarmurinn hrundi, að sögn Huldu.
Augnablikið þegar barmurinn brast
Eldfjalla- og náttúruvárhópur Suðurlands deildi myndbandi á Facebook í morgun af því þegar gígbarmurinn brast í nótt.
/frimg/1/53/8/1530844.jpg)
Myndir: Náttúrulegur þröskuldur að taka við
Hluti bílastæðis undir hraun: Ómögulegt að meta tjón
Hraun kemur úr þremur gígum: Virknin stöðug
Sólveig Anna furðar sig á aðferðum kennara
„Má segja að þetta gos hafi þjófstartað“
Nýtt fangelsi í landi Stóra-Hrauns tilbúið 2028
Börn hafi engan rétt á leikskólakennslu
Maskína: Framsókn í fallbaráttu