Látin fara samdægurs
Setja bókamerki
Konan sem greint var frá í gær að væri sökuð um kynferðislega misnotkun á börnum, var samdægurs látin fara hjá Samtökunum '78 þegar ásakanirnar bárust stjórn samtakanna. Frá þessu segir Álfur Birkir Bjarnason, formaður Samtakanna '78, í samtali við mbl.is.
Ásakanirnar sneru ekki að starfi innan Samtakanna '78, að sögn Álfs, en konan starfaði aldrei með börnum eða ungmennum innan samtakanna.
„Hún var formaður félagaráðs, sem er í rauninni hópur sjálfboðaliða sem hefur það mjög afmarkaða hlutverk að vera stjórn félagsins innan handar þegar kemur að stórum stefnumótandi ákvörðunum fyrir félagið sem fulltrúar almenns félagsfólks,“ segir Álfur.
Brotin jafn alvarleg
Mál konunnar hefur vakið mikla athygli en umræðan hefur að miklu leyti snúist um að hún hafi ekki fæðst kona heldur sé hún trans, og hvort þær upplýsingar skipti máli í fréttaflutningi um málið.
„Það voru þessar háværu raddir um það að þarna þyrfti að koma fram að hún væri trans, það virðist koma mikið frá fólki sem hefur í gegnum tíðina reynt að rægja okkur og koma óorði á trans fólk sérstaklega. Ég hefði ekki endilega séð sérstaka ástæðu til þess að það kæmi fram að hún væri trans, því það kemur málinu sjálfu í raun ekki við,“ segir Álfur.
Hann segir að í rauninni skipti ekki máli hvaða hópum manneskjan tilheyrir, brotin séu jafn alvarleg.
Nýtt fangelsi í landi Stóra-Hrauns tilbúið 2028
Vika í kosningar: Þetta segja kannanir
Dómur þyngdur um þrjú ár
Yfir 300 stæði fóru undir hraun
Sólveig Anna furðar sig á aðferðum kennara
Hraun kemur úr þremur gígum: Virknin stöðug
Rússar sagðir útvega N-Kóreu milljón olíutunnur
Þarf að koma til móts við ólíkar þarfir lækna
