Ekki nýtt að íhaldsarmurinn fari í fýlu
Setja bókamerki
„Það er engin nýlunda að íhaldsarmurinn fari reglulega í svona ákveðna fýlu. Ég er búin að upplifa það áður.“
Þetta sagði Þorgerður Katrín Gunnarsdóttir, formaður Viðreisnar, á Sprengisandi í dag um þann pirring sem nú virðist ríkja innan Sjálfstæðisflokksins vegna samstarfs hans við Vinstri græna í ríkisstjórn.
Í viðtali sem birtist í sunnudagsblaði Morgunblaðsins sagði Byrjar Níelsson, fyrrverandi þingmaður Sjálfstæðisflokksins, að hann óttist að flokkurinn klofni þar sem mikil óánægja sé með störf flokksins í ríkisstjórn.
Í kjölfar viðtalsins ræddi mbl.is við nokkra þingmenn flokksins. Þeirra á meðal var Ásmundur Friðriksson en hann sagðist telja ríkisstjórnina vera komna að ögurstundu.
Loks að vakna til vitundar
Þorgerður Katrín var þingmaður Sjálfstæðisflokksins á árunum 2003-2013 og segir hún gott að hennar gömlu félagar séu að átta sig á því að þeir séu í vinstristjórn.
„Auðvitað finnst mér gott að Sjálfstæðisflokkurinn er núna loksins að vakna til vitundar um að hann er einfaldlega hluti af vinstristjórn. Hann er að horfast í augu við það. Þess vegna eru mínir gömlu vinir í Sjálfstæðisflokkum núna að reyna að rifja upp að eitt sinn þá voru þeir atvinnulífsflokkur.“
Brostnar vonir íhaldsins
Umræða þáttarins var borgaraleg gildi og þá hvernig í raun ætti að skilgreina þetta hugtak, en deilt hefur verið um inntak hugtaksins.
„Þessi umræða sem að íhaldsarmur í samfélaginu er að reyna draga fram, hvort sem að það er á grunni borgaralegra gilda eða almennrar vanlíðan Sjálfstæðisflokksins í ríkisstjórn þá tengist þetta líka því að hluti íhaldsins er pirrað. Inn í þetta spilast, að mínu mati, brostnar vonir og væntingar einstaklinga við það að verða ráðherra eða þingmenn og þeir hafa síðan ekki náð frama,“ sagði Þorgerður Katrín.
Börn hafi engan rétt á leikskólakennslu
Sólveig Anna furðar sig á aðferðum kennara
Hótar Bretum og Bandaríkjamönnum
Hentugt gos fyrst gýs á annað borð
Líklega komin á seinni hluta hrinunnar í Svartsengi
Sjötti ferðamaðurinn er látinn