„Var staðan van­met­in? Ég get al­veg haldið að hún hafi verið van­met­in. Miðað við yf­ir­lýs­ing­ar sem voru gefn­ar út í kring­um ári síðan.“

Þetta sagði Bjarni Bene­dikts­son, fjár­mála- efna­hags­ráðherra, á Alþingi í dag í svari við spurn­ingu Bjarn­ar Levís Gunn­ars­son­ar, þing­manns Pírata, en fjár­lög­in eru tek­in fyr­ir á þing­inu í dag.

Björn Leví spurði hvers vegna verðbólga hafi hækkað enn meira frá því að rík­is­stjórn kynnti aðgerðir til að sporna við henni, fyr­ir rúmu ári.

Björn Leví sagði: „Ég er bara gaur sem skil­ur ekki neitt og átta mig ekki á því hvernig aðgerðir rík­is­stjórn­ar­inn­ar, sem hún kynn­ir fyr­ir rúm­lega ári síðan, hafa ein­fald­lega hækkað verðbólg­una. Né held­ur hvers vegna það hafa verið átta stýri­vaxta­hækk­an­ir síðan þá. Mér finnst það mjög skrítið.“

Frétt af mbl.is

Til einskis að setja vel­ferðina á ís

Björn Leví Gunn­ars­son, þingmaður Pírata. Eggert Jó­hann­es­son

Fjár­mál rík­is­sjóðs standi með því að lækka verðbólgu

Ráðherra svaraði Birni Leví meðal ann­ars með því að segja að „ef þingmaður held­ur að það séu rík­is­fjár­mál­in í land­inu sem ráða verðbólgu í land­inu þá er það mik­ill mis­skiln­ing­ur“. Ráðherra sagði þó efna­hags­mál stjórn­valda mik­il­væg­an þátt í því að koma verðbólg­unni niður.

„Var staðan van­met­in? Ég get al­veg haldið að hún hafi verið van­met­in. Miðað við yf­ir­lýs­ing­ar sem voru gefn­ar út í kring­um ári síðan. Mér fannst látið í það skína að menn væru hætt­ir að hækka vexti og það væri óþarfi að halda áfram. Mér fannst í það skína að hér hefðu verið gerðir ábyrg­ir kjara­samn­ing­ar, sem seinna kom í ljós að væru um­fram fram­leiðini­vexti í land­inu,“ sagði Bjarni.

„En ef við skoðum af­komu­bata rík­is­sjóðs þá er al­veg aug­ljóst að fjár­mál rík­is­sjóðs hafa staðið með því að lækka verðbólgu.“

Tengd­ar frétt­ir

Fjár­lög 2024

Álit AGS tek­ur ekki til­lit til fjár­laga

• „Frum­varpið lýs­ir firr­ingu gagn­vart fólk­inu í land­inu“
• Fagna áhersl­um í frum­varp­inu
• Vit­um að op­in­beri geir­inn „þarf að líta í sinn rann“
• Ný hjúkr­un­ar­rými hvergi að finna í fjár­mála­áætl­un

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Geir Ágústs­son: Pen­inga­prent­un­in hafði fyr­ir­sjá­an­leg áhrif
• Ómar Ragn­ars­son: Verðbólg­an van­met­in allt frá ár­inu 1942.