Fjöldi fólks lagði leið sína í miðbæ Reykjavíkur í dag til að taka þátt í samstöðugöngu fyrir Palestínu. Félagið Ísland-Palestína stóð fyrir göngunni.

Gangan hófst fyrir framan utanríkisráðuneytið klukkan tuttugu mínútur yfir tvö. Frá ráðuneytinu var gengið niður Laugaveg og að Austurvelli.

Þær Drífa Snædal, talskona Stígamóta, og Arndís Anna Kristínardóttir Gunnarsdóttir, þingmaður Pírata, héldu þá ávörp fyrir viðstadda á Austurvelli.