Fríðindi á kostnað skattgreiðenda heiti „spilling“

Félag atvinnurekenda krefst þess að flugferðir sem bókaðar eru innan rammasamnings ríkisstofnana veiti ekki vildarpunkta, sem ríkisstarfsmenn geta nýtt í persónulega þágu. Það nefnist spilling að ríkisstarfsmenn þiggi persónuleg fríðindi vegna ferða sem skattgreiðendur kosta.

Þetta segir í erindi Félags atvinnurekenda (FA) til forseta Alþingis og fjármálaráðherra. Erindið er sent í framhaldi af fréttaflutningi um að alþingismenn og aðrir starfsmenn ríkisins fái vildarpunkta til persónulegra nota vegna flugferða, sem skattgreiðendur greiða fyrir þá.

Eins og mbl.is greindi frá fyrir helgi keypti Alþingi á síðasta ári flug­miða af Icelanda­ir fyr­ir 20,9 millj­ón­ir króna en ein­ung­is fyr­ir 500 þúsund krón­ur af Play. Icelanda­ir býður viðskipta­vin­um sín­um upp á að safna vild­arpunkt­um þegar ferðir eru bókaðar með flug­fé­lag­inu. Play býður ekki upp á sömu þjón­ustu. 

Frétt af mbl.is

Viðskipti við Play undir milljón

Frétt af mbl.is

Skilur ekki hvernig þetta fær að viðgangast

Birg­ir Jóns­son, for­stjóri Play, segir að þingmenn velji ekki Play vegna þess að „þeir hafa per­sónu­leg­an hag af því að velja Icelanda­ir“. mbl.is/Eggert Jóhannesson

Um helgina skrifaði Sara Lind Guðbergsdóttir, forstjóri Ríkiskaupa ríkiskaupa, í færslu á LinkedIn að vildarpunktarnir gætu skapað freistnivanda hjá ríkisstarfsmönnum sem væru að bóka flug að „kaupa flugið heldur hjá þeim aðila sem býður þeim möguleikann á hlunnindum sem það getur síðar nýtt til persónulegra nota“.

Í grein Söru Lindar sagði að rammasamningur við íslensku flugfélögin um flugfargjöld ríkisstarfsmanna væri í endurskoðun.

Frétt af mbl.is

Persónulegur ávinningur megi ekki hafa áhrif

Frétt af mbl.is

„Þetta er galið“

Ábyrgðin hvíli á einstökum ríkisstofnunum

„Að mati FA ætti að gera þá kröfu við nýtt útboð að flugfélög sjái til þess að ferðir, sem bókaðar eru innan rammasamningsins, veiti ekki vildarpunkta eða önnur sérkjör, sem ríkisstarfsmenn geta nýtt í persónulega þágu. Ekki ætti að þurfa flókna forritunarvinnu til að koma slíku í kring,“ segir í erindi FA.

Sara Lind sagði jafnframt í grein sinni að persónulegur ávinningur ætti ekki og mætti ekki hafa áhrif og stofnanir ríkisins þyrftu því að brýna fyrir starfsfólki sínu að slíkir hvatar mættu ekki hafa áhrif við val á flugferðum.FA bendir á að þetta þýði að sem stendur hvíli ábyrgðin á einstökum ríkisstofnunum.

Alþingi keypti flugmiða af Icelandair fyrir 20,9 millj­ón­ir króna en ein­ung­is fyr­ir 500 þúsund krón­ur af Play. mbl.is/Eggert Jóhannesson

Frétt af mbl.is

Vill endurgreiða vildarpunkta

Frétt af mbl.is

„Mér finnst þetta bara sorglegt“

„Spilling“

FA vill vekja athygli þingforseta og fjármálaráðherra á því að það er ekki aðeins „sjálfsögð krafa“ að þingið og aðrar ríkisstofnanir velji ævinlega hagkvæmasta kostinn þegar valið er flug fyrir starfsmenn.

Það að þingmenn og aðrir ríkisstarfsmenn þiggi vildarpunkta fyrir að beina viðskiptum til Icelandair eða annarra flugfélaga með tryggðarkerfi sé einfaldlega bæði ólöglegt og fari gegn siðareglum þingsins, siðareglum starfsmanna stjórnarráðsins og almennum siðareglum ríkisstarfsmanna.

„Að þiggja þannig persónuleg fríðindi vegna ferða sem skattgreiðendur kosta, heitir spilling og lög og siðareglur eiga að hindra slíkt,“ segir í erindi FA.

• 1 blogg um fréttina

Bloggað um fréttina

• Örn Gunnlaugsson: Taka málið alla leið.