Skyndimótmæli eftir að Ísland sat hjá
Setja bókamerki
Félagið Ísland-Palestína boðaði til skyndimótmæla síðdegis í dag, eftir að Ísland sat hjá í atkvæðagreiðslu um vopnahlé í átökunum fyrir botni Miðjarðarhafs.
Mótmæli hófust klukkan þrjú eftir hádegi og 15.00 fyrir utan utanríkisráðuneytið í dag og síðan var gengið þaðan niður að Alþingishúsinu. Félagið efndi einnig til mótmæla fyrir utan ráðherrabústaðinn í gær.
„Í þrjár vikur hefur sprengjuregn Ísraels dunið á Gaza og drepið þúsundir saklausra borgara og barna. Nú hefur Ísrael hafið landárás inná Gaza og ríkistjórn Íslands hefur ekkert gert til að stöðva blóðbaðið, heldur situr hjá í atkvæðagreiðslu allsherjarþings Sameinuðu þjóðanna um vopnahlé á Gaza,“ segir í viðburðarlýsingu mótmælanna á Facebook.
Blóð fórnarlamba á höndum íslensku ríkisstjórnarinnar
Í gær greindi mbl.is frá því að Ísland, ásamt 44 öðrum ríkjum, hafi hjá er greidd voru atkvæði um ályktun Jórdaníu um vopnahlé á Gasa, í neyðarumræðu á allsherjarþingi Sameinuðu þjóðanna í dag. Utanríkisráðuneytið segir að Ísland hefði stutt ályktunina ef breytingartillaga Kanada, sem tók til grimmdarverka Hamas, hefði náð fram að ganga.
Ísland-Palestína hefur einnig sent frá sér yfirlýsingu í dag þar sem hún segir að afstaða íslensku ríkisstjórnarinnar í atkvæðagreiðslunni sýni að hún „fylgir algjörlega stefnu Bandaríkjanna“.
„Skömm íslensku ríkisstjórnarinnar er mikil – blóð fórnarlambanna er á höndum þeirra sem fylgja stefnu Bandaríkjanna,“ segir í yfirlýsingunni.
Samfylking og Viðreisn gáfu loforð
Ný ríkisstjórn kynnt á morgun
Þetta eru ráðherrar ríkisstjórnarinnar
„Börn heima sem maður myndi vilja hafa í skjóli“
Lát hjóna í Neskaupstað: Ákæra gefin út
Stormur á Þorláksmessu en víðast hvar stefnir í hvít jól
