Hafnar því að Svandís sé í klemmu

Katrín Jakobsdóttir tekur því fjarri að Svandís Svavarsdóttir matvælaráðherra sé í úlfakreppu og vill ekki viðurkenna að hún hafi farið út fyrir ramma laganna með ólögmætum samningi sínum við Samkeppniseftirlitið, en játar að umboð hennar til breytingar á kvótakerfinu sé takmarkað.

Bjarni útilokar stuðning sinn við uppstokkun fiskveiðistjórnarkerfisins, líkt og matvælaráðherra hefur boðað lagafrumvarp um í janúar 2024, þrátt fyrir að ekki sé um slíkt kveðið í stjórnarsáttmála. Þar hefur Svandís boðað hækkun á veiðigjaldi, innköllun aflaheimilda og uppboð á þeim.

Þetta er meðal þess sem fram kem­ur í ít­ar­legu viðtali við for­ystu­menn rík­is­stjórn­ar­flokk­anna á vett­vangi Dag­mála, sem tekið var upp í Ráðherra­bú­staðnum við Tjarn­ar­götu. Þar spurðu blaðamennirnir Andrés Magnússon og Stefán Einar Stefánsson oddvitana út í samstarfið, stöðuna og stefnuna fram undan.

Dagmál eru streymi Morgunblaðsins á netinu og eru opin öllum áskrifendum blaðsins. Viðtalið allt má sjá með því að smella hér.

• 1 blogg um fréttina

Bloggað um fréttina

• Jóhann Elíasson: ÞAÐ HEFUR FREKAR LITLA ÞÝÐINGU AÐ AFNEITA ÞVÍ SEM AUGLJÓST …