Innlent | Morgunblaðið | 29.10.2023 | 10:25

Menningararfur falinn í torfbæjum

Torfhleðsluminjar eru margar í Skagafirði enda nýttu Skagfirðingar torfið lengi til húsagerðar. Ljósmyndir/Byggðasafn Skagfirðinga

„Íslendingar virðast hafa mun meiri áhuga á að varðveita torfbæi en ég hélt,“ segir Sigríður Sigurðardóttir, lektor hjá Háskólanum á Hólum og fyrrverandi safnstjóri Byggðasafns Skagfirðinga til þrjátíu ára. Hún hefur kannað viðhorf til nytja- og minjagildis torfbygginga, áhuga á að nota torfbyggingar í ferðaþjónustu og hvernig gestir sem hafa skoðað torfbyggingar á Íslandi meta þær.

„Yngsta kynslóðin horfir svolítið öðrum augum á þessar torfbyggingar en þeir sem ólust upp í torfbæjum og af talsvert meiri rómantík. Áhugi þeirra er talsverður og það kom mér þó skemmtilega á óvart að eldri kynslóðin hefur ekki síður áhuga á að vernda þennan menningararf,“ segir Sigríður en bætir við að fólk sem svaraði könnun hennar hafi gert það af vilja og áhuga, sem gæti skýrt jákvæð viðbrögð þeirra.

Nánari umfjöllun er að finna í Morgunblaðinu í gær, laugardag.