„Margar konur hafa sent okkur sögur og sagt okkur að þær hafi bara gefist upp og skilið,“ segir Hulda Jónsdóttir Tölgyes í Dagmálum þar sem fyrirbærið þriðja vaktin var til umræðu.

 „Við sjáum að þetta er stór ástæða hjónaskilnaða,“ segir Hulda sem er sjálfstætt starfandi sálfræðingur og hefur aðstoðað fjöldann allan af hjónum og sambúðaraðilum, sem átt hafa í erfiðleikum með að jafna byrðina heima fyrir, með námskeiðum, fyrirlestrum og einstaklingsráðgjöf.

Þjakaðar konur á þriðju vaktinni

„Þær upplifa að það sé ekki hlustað á þær og að þeir séu ekki til í að takast á við lífið eins og það er með þeim og öllu sem því fylgir. Þannig að margar konur hafa deilt því með okkur að þær geti ekki meir,“ útskýrir Hulda.

Fjárhagsstaða til fyrirstöðu

Samkvæmt Huldu hafa frásagnir margra kvenna einnig verið á þann veg að mörgum þeirra er ómögulegt að skilja vegna fjárhagsstöðu. 

„Ef við hugsum um launamuninn og allt þetta misrétti að þá hafa margar konur ekki færi á því að fara úr sambandinu og neyðast til að sætta sig við stöðuna eins og hún er,“ segir Hulda um stöðu margra kvenna í gagnkynhneigðum samböndum. 

Smelltu hér til að hlusta eða horfa á viðtalið við Huldu í fullri lengd. 

Tengdar fréttir

Dagmál

Er kynjastríð í uppsiglingu?

• Ný ríkisstjórn þurfi að hafa hraðar hendur
• Skilnaðir og heilsubrestur bugaðs fólks
• „Þau höfðu verið að deyja þessir krakkar“
• Skrítið að enn er bara eitt úrræði í boði

» Fleiri tengdar fréttir

• 1 blogg um fréttina

Bloggað um fréttina

• Guðjón E. Hreinberg: Áfram heldur þjóðfélagsleirun "hægri" fjölmiðla