Mismunar innflytjendum rafbíla

Þetta kemur fram í bréfi lögmanns bílainnflytjanda en þar segir meðal annars að með breytingunum sé gert upp á milli stærri bílaumboða og smærri söluaðila á markaðinum.

„Þróun innan Evrópusambandsins og annarra EES-landa hefur undanfarna áratugi verið að sjálfstæðir bílasalar og innflytjendur hafa veitt hefðbundnum bílaumboðum aukna samkeppni … Þær reglur sem taka gildi við áramótin takmarka styrki sem sækja má um úr Orkusjóði vegna kaupa á rafmagnsbílum við „óskráða nýja rafbíla“. Verði slíkt ákvæði leitt í lög á Íslandi myndi það undanskilja alla rafbíla aðra en þá sem fluttir eru inn af bílaumboðum sjálfum,“ segir í bréfi lögmannsins.

Frétt af mbl.is

Mun stöðva endurnýjun rafbíla

Segir þar að nærri helmingur markaðarins með rafbíla sé nú í höndum sjálfstæðra innflytjenda og bílasala.

Félag íslenskra bifreiðaeigenda (FÍB) gerir líka athugasemdir við boðaðar breytingar á ívilnunum vegna rafbíla.

Í Morgunblaðinu í dag er rætt við Runólf Ólafsson, framkvæmdastjóra FÍB.