Fær hálfan milljarð í skattafrádrátt

Tölvu­leikja­fyr­ir­tækið CCP fær hæstu upp­hæðina í sér­stak­an skattafrá­drátt vegna ný­sköp­un­ar á þessu ári, eða sam­tals 500 millj­ón­ir í gegn­um fé­lög­in CCP ehf. og CCP Plat­form ehf. Hvort félag um sig fékk 250 milljónir. 

Þetta er meðal þess sem má lesa úr nýj­um töl­um sem Skatt­ur­inn birti nýverið um skattafrá­dráttinn.

Nox Medical, EpiEndo Pharmaceuticals, Landeldi og Sidekick Health fengu næst hæstu upphæðina, eða 350 milljónir hvert um sig. Coripharma fær þremur milljónum króna minna, eða 347 milljónir króna.

Frétt af mbl.is

CCP og Controlant með mesta skattafrádráttinn

Frétt af mbl.is

CCP með 550 milljónir í skattafrádrátt

Skipta starfseminni í tvennt og fá meira

CCP skiptir starfsemi sinni í tvö félög og fær 250 í gegnum hvort þeirra, CCP ehf. fyrir útgáfu tölvuleikja og CCP platform vegna hugbúnaðargerðar.

Controlant fékk stærstu einstöku upphæðina á síðasta ári, alls 385 milljónir, en í ár fékk fyrirtækið 250 milljónir.

Mis­mun­andi er hversu mik­ill skattafrá­dráttur­inn get­ur verið eft­ir stærð fyr­ir­tækja, en hann nem­ur á þessu ári 35% í til­viki lít­illa og meðal­stórra fyr­ir­tækja, en 25% í til­viki stórra fyr­ir­tæka. Þau síðast­nefndu eru fyr­ir­tæki með yfir 250 starfs­menn.

Há­marks skattafrá­drátt­ur fyrir árið 2022 get­ur orðið 350 millj­ón­ir hjá litl­um og meðal­stór­um fyr­ir­tækj­um, en 250 millj­ón­ir hjá stór­um fyr­ir­tækj­um.

Skatt­ur­inn birt­ir lista yfir fjár­hæð skattafrá­drátt­ar­ins hjá fyr­ir­tækj­um sem fá sem nem­ur yfir 500 þúsund evr­ur á ári, eða um 75 millj­ón­ir.

• 1 blogg um fréttina

Bloggað um fréttina

• Geir Ágústsson: Viðurkenning á því að skattar á fyrirtæki eru of háir