Bjarna afhentar 6.944 undirskriftir
Setja bókamerki
Anna Lúðvíksdóttir, framkvæmdastjóri Íslandsdeildar Amnesty International, og Þórunn Pálína Jónsdóttir, lögfræðingur deildarinnar, afhentu Bjarna Benediktssyni utanríkisráðherra ákall með 6.944 undirskriftum. Forsætisráðuneytið fékk einnig undirskriftirnar en Katrín Jakobsdóttir forsætisráðherra gat ekki veitt þeim viðtöku sökum fjarveru erlendis.
Í tilkynningu segir að í ákallinu sé þess krafist að forsætisráðherra og utanríkisráðherra leggi sitt af mörkum til að alþjóðasamfélagið kalli tafarlaust eftir vopnahléi í átökum Ísraels og Palestínu. Þá verði bundinn endi á mannúðarneyðina á Gasasvæðinu.
Amnesty International kallar eftir vopnahléi í þeim tilgangi að stöðva ólögmætar árásir allra aðila í átökunum, fækka dauðsföllum á Gasa og gera hjálparstofnunum kleift að veita lífsnauðsynlega aðstoð til að lina gífurlegar þjáningar íbúa. Spítalar geti þá fengið lífsnauðsynleg lyf, eldsneyti og búnað sem sárlega vanti.
Stríðsglæpir hafi fengið að viðgangast
„Alvarleg brot á alþjóðlegum mannúðarlögum, þar á meðal stríðsglæpir, af hálfu allra aðila átakanna hafa fengið að viðgangast af fullum þunga“, segir í ákalli Amnesty International.
Amnesty International bendir á að vopnahlé veiti einnig ráðrúm til að semja um lausn gísla sem er haldið á Gasa og opni rými fyrir óháðar alþjóðlegar rannsóknir á stríðsglæpum.
Undirskriftum var safnað í gegnum netákall deildarinnar frá 27. október til 3. nóvember. Undirskriftasöfnunin hledur þó áfram og er því enn hægt að skrifa undir.
/frimg/1/32/47/1324721.jpg)
Rannsókn í byrlunar- og símamáli felld niður
„Mig langar að vara ykkur við“
Ekkert bendir til þess að atburðarásinni sé lokið
„Má segja að nýr armur sé að myndast í flokknum“
Sanna borgarfulltrúi vill á þing
Tókst ekki að sanna orsakasambandið
131 milljón frá erlendum manni: Gjöf eða lán?
Landsréttur sýknar SKE af kröfu Samskipa