Framkvæmdastjóri Bændasamtakanna kannast vel við það að umræða um bændur hefur oft á tíðum verið neikvæð. „Ein vinkona mín vill helst drepa Magnús bónda. Kannastu við hann?“ spyr hún og vísar til persónunnar sem Laddi skapaði og kynnti til leiks fyrir mörgum árum. Magnús þessi var illa til reika og á fátt sameiginlegt með því fólki sem stundar matvælaframleiðslu í sveitum landsins. Hann lifir hins vegar góðu lífi í hugum þjóðarinnar.

Vigdís Häsler segir nauðsynlegt að upphefja starfsheitið bóndi og viðurkennir að neikvæð umræða hafi verið lengi við líði um atvinnugreinina. Hún telur líka að margir stjórnmálamenn hafi ekki mikinn áhuga á landbúnaði þó svo að til séu einstaklingar á þingi sem brenni fyrir greinina. Hún minnir á að bændur eru á hverjum degi að vinna við fæðuöryggi þjóðarinnar.

Vigdís er gestur Dagmála í dag og ræðir þar ýmis mál sem tengjast bændastéttinni. Hiti og þungi þáttarins fer í að kryfja það neyðarástand sem blasir við í landbúnaði. Vigdís kallar eftir bráðaaðgerðum til að bregðast við stöðunni.

Þátturinn í heild sinni er aðgengilegur áskrifendum Morgunblaðsins.

Tengdar fréttir

Dagmál

Er kynjastríð í uppsiglingu?

• Ný ríkisstjórn þurfi að hafa hraðar hendur
• Skilnaðir og heilsubrestur bugaðs fólks
• „Þau höfðu verið að deyja þessir krakkar“
• Skrítið að enn er bara eitt úrræði í boði

» Fleiri tengdar fréttir

• 1 blogg um fréttina

Bloggað um fréttina

• Gunnar Heiðarsson: Bóndi er bústólpi