„Hagsmunirnir sem eru undir að verja virkjunina í Svartsengi eru gríðarlegir, ekki bara kostnaðurinn við virkjunina sjálfa, heldur einnig þau samfélagslegu áhrif sem stöðvun hennar hefði,“ segir Víðir Reynisson, yf­ir­lög­regluþjónn al­manna­varna­deild­ar rík­is­lög­reglu­stjóra, spurður út í nauðsyn varnargarða.

„Bæði rafmagn og heitt og kalt vatn, sérstaklega heita vatnið er snúið að eiga við varaleiðir í því.“

Guðrún Hafsteinsdóttir dómsmálaráðherra greindi frá því í kvöld að hún hefði í sam­ráði við al­manna­varn­ir, Verkís og fleiri sett vinn­u við varnargarða af stað í dag þrátt fyr­ir að frum­varp þess efn­is hafi ekki verið lagt fyr­ir þingið.  

Frétt af mbl.is

Vinna við varnargarða hafin

Vinna hófst seinni partinn í dag

Víðir segir þau hafa byrjað síðdegis í dag að keyra inn efni og vélar á svæðið í kringum virkjunina.

„Ef ég man rétt eru þetta sex verktakar sem munu koma að þessu,“ segir Víðir. 

„Það tekur okkur samt talsverðan tíma að koma því efni sem við viljum áður en við förum af stað, þannig sjálfir varnargarðarnir fara kannski ekki af stað alveg í kvöld,“ segir hann enn fremur og heldur áfram:

„En svo erum við líka að fylgjast með þessari atburðarás sem er í gangi og hvort þurfi að reisa varnargarðana á öðrum stað en þar sem við höfðum áætlað að byrja. Þá færum við til það sem þarf til þess.“

Tengdar fréttir

Eldvirkni á Reykjanesskaga

Aldrei runnið vestar: Um 100 metrar á klukkustund

• Myndir: Náttúrulegur þröskuldur að taka við
• Yfir 300 stæði fóru undir hraun
• Viðgerðir munu taka nokkra daga
• Fullvissa ferðamenn um að hér sé öruggt

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Eitt egg í einni körfu