Matvælaráðherra brugðið
Setja bókamerki
Svandísi Svavarsdóttur matvælaráðherra var brugðið við að sjá myndir úr kjallaranum í Sóltúni 20 þar sem mörg tonn matvæla voru geymd við óheilsusamlegar aðstæður.
Rottuskítur og -þvag, dauð og lifandi meindýr, dýnur, koddar, tjald og óhrein eldhúsáhöld fundust meðal annars í kjallaranum.
Heilbrigðiseftirlit Reykjavíkur (HER) fargaði matvælunum í kjölfar eftirlitsferða í september og er nú með málið til rannsóknar.
Hafa frest til 14. nóvember
Í eftirlitsskýrslum, sem hafa verið afhentar fjölmiðlum, kemur fram að HER hafi ástæðu til að halda að matvælunum hafi verið ætlað til dreifingar en ekki einkaneyslu. Vy-þrif, fyrirtækið sem hafði geymsluna á leigu, hefur vísað þeim ásökunum á bug.
Þess ber að geta að Davíð Viðarsson, eigandi Vy-þrifa, er einnig skráður eigandi Vietnam Market og á 40% hlut í WOKON Mathöll ehf.
HER hefur ekki tekist að sanna að matvælin hafi farið í dreifingu en hefur krafið Vy-þrif um upplýsingar um dreifingu matvælanna. Ber fyrirtækinu að svara fyrir 14. nóvember.
/frimg/1/45/10/1451025.jpg)
Mikilvægt að rekstraraðilar virði lög og reglur
„Mér var brugðið, rétt eins og öllum öðrum, bæði yfir umfanginu og þessum myndum sem birtust,“ segir Svandís í samtali við mbl.is.
„Það er auðvitað mjög mikilvægt að rekstraraðilar í svo viðkvæmri grein, sem allt utanumhald um matvæli er, virði lög og reglur.“
Hún kveðst ekki vita til þess að málið hafi ratað á borð matvælaráðuneytisins. Er það á forræði heilbrigðiseftirlitsins, að því er hún best veit.
Drónamyndskeið frá hápunkti gossins í nótt
Mjög alvarlegt ef Njarðvíkuræð gefur sig
Hótar Bretum og Bandaríkjamönnum
Maskína: Framsókn í fallbaráttu
Fullvissa ferðamenn um að hér sé öruggt
/frimg/1/53/8/1530844.jpg)
Myndir: Náttúrulegur þröskuldur að taka við
Líklega komin á seinni hluta hrinunnar í Svartsengi
Hluti bílastæðis undir hraun: Ómögulegt að meta tjón