G. Pétur Matthíasson, upplýsingastjóri Vegagerðarinnar, kveðst skilja vel að Grindvíkingar séu viðkvæmir fyrir því að sjá yfirstrikanir á heiti Grindavíkurbæjar á skiltum Vegagerðarinnar. Þetta sé hins vegar gert til að tryggja raunverulega vegvísun.

Frétt af mbl.is

Strikað yfir Grindavík og Bláa lónið

Pétur segir í samtali við mbl.is að Vegagerðin sé með til skoðunar að útbúa bráðabirgðaskilti ef til þess kemur að Grindavíkurvegur verði lokaður til lengri tíma.

Eins og mbl.is greindi frá þá ákvað Grindvíkingurinn Smári Þórólfsson að fjarlægja yfirstrikun á heiti bæjarins á einu skilti við Grindavíkurafleggjara í dag. Hyggst hann halda verkefninu áfram á morgun.

Frétt af mbl.is

Fjarlægði yfirstrikun: „Grindavík er enn þá til“

Betra að strika yfir heitið heldur en að breiða yfir skiltið

„Það er vandkvæðum bundið að breiða alveg yfir þetta og þá sést heldur ekki að Grindavík sé þarna, þannig að ég held að það sé ekki betra fyrir þann sem finnst sárt að sjá þetta,“ segir Pétur.

Hann segir að yfirstikunin hafi skilað árangri fyrir þá sem nýta sér vegakerfið og þá sérstaklega fyrir ferðamenn, sem geta með yfirstikuninni séð að engin ástæða er að keyra til Grindavíkur.

„Þetta sýnir það að þarna er Grindavík, en að það er ekki opinn vegur þangað,“ segir Pétur að lokum.

Frétt af mbl.is

Fordæmalaust að strika yfir bæjarheiti

Tengdar fréttir

Eldvirkni á Reykjanesskaga

Tilbúin að bregðast við skelli slæm sviðsmynd á

• Hraunflæði ógnar innviðum við Svartsengi
• Sér ekki fyrir endann á gosinu: „Nei, nei“
• „Gengið vel“ að verja rafmagnsmastrið
• Bláa lónið framlengir lokun fram á föstudag

» Fleiri tengdar fréttir

• 1 blogg um fréttina

Bloggað um fréttina

• Ágúst Kárason: Hafa þeir hjá vegagerðinni ekki heyrt talað um aðvörunarskilti eða …