Talsverður fjöldi íbúa Grindavíkur lagði leið sína til bæjarins nú í morgun, en  Grindavík var fært niður af neyðarstigi á hættustig klukkan 11 í dag. Frá og með þeim tíma til klukkan 16 verður íbúum heimilt að sækja verðmæti og huga að eigum sínum, en einnig er áætlað að slíkt verði mögulegt á sama tíma næstu daga.

Myndaðist talsverð röð bíla á Suðurstrandarvegi á ellefta tímanum, en lögregla tók niður nafn þeirra sem voru á leið í bæinn.

Um eins gráðu frost er í Grindavík, en stillt og gott veður.