Innlent | mbl | 24.12.2023 | 11:25 | Uppfært 15:52

Hvetur ferðamenn til að bóka flug fyrir næsta gos

Ólafur Ragnar Grímsson hvetur fylgjendur sína til þess að verða vitni að „sköpun jarðarinnar“. Samsett mynd

Ólafur Ragnar Grímsson, fyrrum forseti Íslands, hvetur fylgjendur sína á X að bóka strax flug til Íslands til þess að verða vitni að næsta eldgosi.

„Nú segja spárnar að aftur geti farið að gjósa eftir tvær vikur! Bókaðu flug strax svo þú getir orðið vitni að sköpun jarðarinnar!“ segir Ólafur Ragnar og endar færsluna með tjákni sem sýnir broskarl með rjóðar kinnar.

Now the predictions are that in two weeks the eruption might start again! Book your flight now so you can witness the Earth being created!😊 pic.twitter.com/SztnvfgXIA
— Ólafur Ragnar Grímsson (@ORGrimsson) December 23, 2023