„Lít á þetta sem heiður fyrir Grindvíkinga“
Setja bókamerki
„Ég er auðvitað bara mjög þakklátur fyrir þessa hugulsemi hjá lesendum. Ég lít á þessa tilnefningu sem heiður fyrir Grindvíkinga. Ég er ekkert annað en bara talsmaður þeirra. Ég vil þakka lesendum blaðsins fyrir að sýna okkur þessa samkennd sem við höfum fundið fyrir,“ segir Fannar Jónasson, bæjarstjóri í Grindavík, aðspurður hvernig honum finnist að vera valinn manneskja ársins af lesendum Smartlands.
Nánar er fjallað um kjörið í áramótablaði Smartlands sem fylgir Morgunblaðinu í dag.
Fannar hefur vakið athygli fyrir að sýna yfirvegun í þeim jarðhræringum sem dunið hafa yfir í Grindavík á árinu og í fyrri eldgosum. Þegar hann er spurður hvernig hann fari að því að vera svona yfirvegaður segir hann að það hjálpi ekki til að fara í panikástand.
„Ég fer sjaldan í panikástand. Það hjálpar til að sýna yfirvegun. Ég sker mig nú kannski ekki úr en það er gott að reyna að einbeita sér að verkefnunum þótt þau séu erfið. Sama hvernig aðstæður eru hverju sinni,“ segir hann.
Funda með þingflokkum
Forstjóri bendir á ábyrgð birgja vegna verðhækkana
Stormur á Þorláksmessu en víðast hvar stefnir í hvít jól
Bjarni: „Útilokað að þetta geti gengið upp“
Beint: Ný ríkisstjórn tekin við völdum
Ný ríkisstjórn kynnt á morgun
Samfylking og Viðreisn gáfu loforð
