Tíðinda að vænta ef vantrauststillaga kemur fram
Setja bókamerki
Hildur Sverrisdóttir, þingflokksformaður Sjálfstæðisflokksins, segir að ef vantrauststillaga verður lögð fram gegn Svandísi Svavarsdóttur matvælaráðherra á mánudag megi vænta tíðinda frá Vinstri grænum.
„Ef vantrauststillagan kemur fram á mánudaginn, eins og ég sé í fjölmiðlum að er á áætlun, þá myndi ég ætla að það fari að draga til tíðinda,“ segir Hildur í samtali við mbl.is.
Gagnrýnir Vinstri græn fyrir hægagang
Gagnrýnir Hildur einnig hversu langan tíma það hefur tekið að fá viðbrögð Vinstri grænna við því hvernig Svandís hyggst axla ábyrgð á áliti umboðsmanns Alþingis.
„Það er enn á borði VG hvernig þau hyggjast axla ábyrgð á þessu áliti, en ég verð nú að fá að segja að mér þykir orðið gagnrýnivert hvað það hefur tekið langan tíma,“ segir Hildur.
Í áliti umboðsmanns kom fram að matvælaráðherra hefði stöðvað hvalveiðar með ólögmætum hætti.
Hildur segir að þingflokkur Sjálfstæðisflokksins muni funda og fara yfir málið ef vantrauststillaga verður lögð fram gegn Svandísi.
/frimg/1/53/8/1530844.jpg)
Myndir: Náttúrulegur þröskuldur að taka við
Fullvissa ferðamenn um að hér sé öruggt
Rússar sagðir útvega N-Kóreu milljón olíutunnur
Líklega komin á seinni hluta hrinunnar í Svartsengi
Nýtt fangelsi í landi Stóra-Hrauns tilbúið 2028
Hraunið við bílastæði Bláa lónsins
„Má segja að þetta gos hafi þjófstartað“