Fregnir af skjálftahrinu í Húsfellsbruna, skammt suðaustur af Heiðmörk, hafa vakið athygli. Talið er mögulegt að kvika sé þar tekin að safnast fyrir í jarðskorpunni.

En það er ekki aðeins fyrir sakir nálægðar Brennisteinsfjallakerfisins við höfuðborgarsvæðið, sem vert er að veita því athygli, heldur eru Brennisteinsfjöll það kerfi sem að meðaltali býr til stærstu hraun Reykjanesskagans.

Að minnsta kosti þau lengstu, segir Þorvaldur Þórðarson, prófessor í eldfjallafræði við Háskóla Íslands.

Frétt af mbl.is

Brennisteinsfjöll byrsta sig

Lengstu hraun Íslands eru helluhraun

„Þau virðast oft búa til það sem við köllum helluhraun,“ segir Þorvaldur um Brennisteinsfjöll og kerfið sem við þau er kennt.

„Slík hraun eru með einangrað flutningskerfi, sem þýðir að hraunið helst heitt frá upptökum sínum og til áfangastaðarins. Þegar það kemur út úr flutningskerfinu þá er það heitt og getur því breitt aðeins úr sér á þeim stað sem það brýst út, sem lengir síðan enn þetta einangraða flutningskerfi,“ bætir hann við.

„Þú getur þá flutt heita kviku enn lengra. Öll langlengstu hraun á Íslandi eru helluhraun.“

Frétt af mbl.is

Kvika kann að krauma undir Húsfellsbruna

Rann næstum til sjávar við Straumsvík

Húsfellsbruni er það hraun sem rann næst Reykjavík í síðustu goshrinu Reykjanesskagans, löngu áður en þar reis borg.

„Það getur gerst aftur og getur meira að segja farið lengra, ef það gýs á þessum stað,“ segir Þorvaldur.

„Síðast þegar gaus svona norðarlega á Brennisteinsfjallareininni þá rann hraun næstum því til sjávar við Straumsvíkina.“

Ítarlegri umfjöllun er að finna í Morgunblaðinu í dag.

Tengdar fréttir

Eldvirkni á Reykjanesskaga

Hraun kemur úr þremur gígum: Virknin stöðug

• Aldrei runnið vestar: Um 100 metrar á klukkustund
• Myndir: Náttúrulegur þröskuldur að taka við
• Yfir 300 stæði fóru undir hraun
• Viðgerðir munu taka nokkra daga

» Fleiri tengdar fréttir