Segja ákvörðun Bjarna gerræðislega
Setja bókamerki
Félagið Ísland-Palestína fordæmir ákvörðun Bjarna Benediktssonar utanríkisráðherra um að frysta greiðslur til Palestínuflóttamannahjálpar Sameinuðu þjóðanna, UNRWA.
Í yfirlýsingu frá samtökunum segir að ákvörðunin hafi gerræðisleg og tekin áður en rannsókn á ásökunum Ísraels á hendur starfsmönnum UNRWA hafi skilað niðurstöðu.
„Palestínuflóttamannaaðstoð SÞ gegnir lykilhlutverki í neyðaraðstoð við Gazabúa sem eru í lífshættu sökum skorts á mat, vatni, lyfjum og eldsneyti vegna hernaðar Ísraels.
Með þessari aðgerð tekur íslenska ríkisstjórnin þátt í ólöglegri hóprefsingu eins og lýst er í Genfarsáttmálanum: „Með hugtakinu er ekki aðeins átt við refsingar, heldur einnig annars konar viðurlög, áreiti eða stjórnsýsluaðgerðir sem gripið er til gegn hópi í hefndarskyni fyrir verknað einstaklings eða einstaklinga sem teljast til hópsins“, “segir í tilkynningunni.
Bent er á að úrskurð Alþjóðadómstólsins í Haag um að mögulega sé þjóðarmorð í uppsiglingu á Gasasvæðinu, bæði vegna stöðugra sprengjuárása og vegna skorts á lífsnauðsynjum.
„Aðgerð utanríkisráðherra er því í andstöðu við úrskurð dómstólsins og eykur enn frekar á áþján Gazabúa. Íslensk stjórnvöld verða að aflétta þessari aðgerð utanríkisráðherra strax. Neyðaraðstoð verður að berast til Gaza strax!” segir enn fremur í tilkynningunni.
Tekist á um áður óþekkta skýrslu landlæknis
Skiptir mestu máli að fjárlögin voru samþykkt
Bergur er fallinn
Beint: Eldgos hafið við Stóra-Skógfell
Átti ekki að láta pirring bitna á sjúklingi
/frimg/1/53/5/1530526.jpg)
Yfirvöld láta ekkert uppi: Sænsk herskip kölluð út
Einar skorar á næstu ríkisstjórn
Hvað gerðist eiginlega í VMA?