N1 hefur opnað fyrir hraðhleðslu í Reykjanesbæ og geta íbúar nú hlaðið bíla sína þar frítt.

Þetta kemur fram í tilkynningu frá N1. Notendur þurfa ekki að auðkenna sig við hleðslustæðin, heldur er nóg að stinga bílunum í samband og hlaða. Um er að ræða sex hraðhleðslustæði í Reykjanesbæ.

„Við viljum koma til móts við ábendingu almannavarna um að fólk fari sparlega með rafmagn í íbúabyggð og hlaði rafbíla frekar í hraðhleðslum á svæðinu,“ er haft eftir Ými Erni Finnbogasyni, framkvæmdastjóra N1.

„Þannig er dregið úr álagi á kerfinu sem er mjög mikilvægt við þær aðstæður sem eru uppi og eru nógu krefjandi fyrir fjölskyldur á svæðinu. Til að einfalda þetta enn frekar fyrir notendur ákváðum við að það væri þeim að kostnaðarlausu að hlaða bílinn, svo ekki færi á milli mála að þetta væri aðgengilegt öllum.“

Tengdar fréttir

Eldvirkni á Reykjanesskaga

Myndir: Hraunið við bílaplan Bláa lónsins

• Gosstöðvarnar ekki aðgengilegar fyrir ferðamenn
• Myndskeið: Stórbrotið útsýni af flugbrautinni
• Virknin dregist saman um 600 metra
• Rafmagn komið á: Engin viðgerð fyrr en eftir gosið

» Fleiri tengdar fréttir

• 1 blogg um fréttina

Bloggað um fréttina

• Ágúst Kárason: Hvernig verður þetta þegar allir verða komnir á rafmagnsbíla?