Palestínska fjölskyldan farin úr landi
Setja bókamerki
Tengdar fréttir
Flóttafólk á Íslandi
Palestínska fjölskyldan sem var tekin höndum af vopnuðum sérsveitarmönnum í gær lagði af stað til Grikklands í morgun.
Þrír palestínskir hælisleitendur sem höfðu fengið synjun um alþjóðlega vernd á Íslandi, hjón og fullorðinn sonur þeirra, voru teknir höndum í gærmorgun til að hægt væri að vísa þeim úr landi. Fjölskyldan hafði fengið umsóknir sínar um alþjóðlega vernd í Grikklandi samþykkta.
„Já hópurinn lagði af stað til Grikklands í morgun,“ skrifar Marín Þórisdóttir, upplýsingafulltrúi stoðdeildar ríkislögreglustjóra, í svari við fyrirspurn mbl.is.
Efnt var til fjölmennra mótmæla fyrir utan lögreglustöðina við Hlemm í gær. Mótmælendur reyndu að hindra brottflutning fjölskyldunnar.
Vopnaðir sérsveitarmenn kallaðir til
Vopnaðir sérsveitarmenn sóttu fjölskylduna í gærmorgun. Fjölskyldan hafði ekki sinnt tilkynningarskyldu til lögreglu né viljað yfirgefa landið sjálfviljug, samkvæmt lögreglu.
Aðgerðasinni sagði við mbl.is í gær að fjölskyldan hefði búið hér á landi í um eitt til tvö ár áður en lögreglan „braust inn“ til þeirra í gærmorgun.
„Já það er rétt að sérsveitin var kölluð til í gærmorgun,“ svarar Marín, spurð að því hvort fullyrðingar Vísis um að vopnaðir sérsveitarmenn hafi handtekið fjölskylduna séu réttar.
Hvers vegna var talin þörf á sérsveit? Er eðlilegt að kalla til vopnaða sérsveitarmenn til að senda hælisleitendur úr landi?
„Við undirbúning hverrar fylgdar þarf að meta viðbúnaðarþörf lögreglu. Það mat byggir á þeim upplýsingum sem lögregla hefur hverju sinni,“ svarar Marín en útskýrir það ekki nánar.
Tengdar fréttir
Flóttafólk á Íslandi
Gasmengun gæti borist yfir höfuðborgarsvæðið
/frimg/1/53/17/1531723.jpg)
Kálfur kom í heiminn á miðjum kosningafundi
Reiðubúin að aflýsa verkföllum í fjórum leikskólum
Hulda saksóknari: „Tökum þetta ekki til greina“
„Sá vegur er bæði háll og myrkur“
Í kappi við tímann að reyna að afstýra verkfalli
Pútín reynir allt til að forðast aðra herkvaðningu