Þrír heppnir miðaeigendur skiptu með sér öðrum vinningi í úrdrætti Eurojackpot í kvöld og fær hver þeirra tæplega 58 milljónir.
Miðarnir voru keyptir í Danmörku, Finnlandi og Þýskalandi.
Sjö miðaeigendur skiptu með sér þriðja vinningi og fær hver þeirra tæpar 14 milljónir. Fjórir miðanna voru keyptir í Þýskalandi, tveir á Spáni og einn í Póllandi.
Tveir Íslendingar fengu annan vinning í jókernum og fengu 100 þúsund krónur í sinn hlut. Miðarnir voru keyptir í Lottó-appinu.