Katrín: Höfum krafist lausnar gíslanna
Setja bókamerki
Katrín Jakobsdóttir forsætisráðherra kveðst fordæma öll brot á alþjóðalögum í stríði Ísraels við hryðjuverkasamtökin Hamas.
Á dögunum birtist skýrsla Sameinuðu þjóðanna þar sem fram kom að talið sé að liðsmenn Hamas hafi gerst sekir um nauðganir þegar þeir réðust inn í Ísrael 7. október í fyrra og að gíslum sem voru í framhaldinu fluttir á Gasasvæðið hafi einnig verið nauðgað. Hamas hafna því að liðsmenn sínir hafi beitt kynferðisofbeldi.
„Við höfum auðvitað fordæmt árás Hamas-samtakanna sem og haldið því til haga í öllum okkar málflutningi – þar höfum við krafist lausnar þessara gísla,“ segir Katrín aðspurð að loknum ríkisstjórnarfundi í gær.
Stjórnvöld verið skýr
Spurð hvort að þessi skýrsla kalli á sérstaka fordæmingu íslenskra stjórnvalda eða af hennar hálfu, þar sem hún hefur áður fordæmt einstaka atvik í stríðinu, segir hún að hún fordæmi öll brot á alþjóðalögum.
„Ég hef fordæmt öll brot á alþjóðalögum í þessum átökum ítrekað og nú síðast þar sem ég einmitt fordæmdi líka þær myndir sem birtust okkur á fimmtudaginn – tók þá sérstaklega fram að áfram krefðumst við lausn þessara gísla. Íslensk stjórnvöld hafa verið mjög skýr og samkvæm sjálfum sér í því að við fordæmum öll brot á alþjóðalögum í svona ástandi.“
Átti sér stað á mörgum stöðum
Fram kemur í skýrslunni að teymið telur að kynferðisofbeldi hafi átt sér stað á mörgum stöðum þann 7. október, þar á meðal nauðganir og hópnauðganir.
Þetta hefði gerst á að minnsta kosti þremur stöðum: Nova-tónlistarhátíðinni og nágrenni hennar, Vegi 232 og á Kibbuz Re´im.
„Í flestum þessara tilvika var fórnarlömbunum nauðgað fyrst og síðan voru þau drepin og að minnsta kosti tvö tilvik tengjast nauðgun á líkum kvenna,” sagði í skýrslunni.
Samfylking og Viðreisn gáfu loforð
Bein útsending: Ríkisstjórnarsamstarfið kynnt
„Tímabil aukinnar eldvirkni“
„Óviðunandi eftirlit með börnum“
Stóðu skógarþjófa að verki
Helgi Magnús mætir til starfa í dag
„Börn heima sem maður myndi vilja hafa í skjóli“