Hæstiréttur ógilti friðlýsingu á Jökulsá á Fjöllum

Hæstiréttur hefur fellt úr gildi friðlýsingu vatnasviðs Jökulsár á Fjöllum fyrir orkuvinnslu. Snéri dómurinn þar með við ákvörðun Héraðsdóms Austurlands sem hafði staðfest friðlýsinguna.

Guðmundur Ingi Guðbrandsson, þáverandi umhverfis- og auðlindaráðherra, tilkynnti um friðlýsingu svæðisins árið 2019. 

Landeigendur Brúar 1 og Brúar 2 í Múlaþingi áfrýjuðu ákvörðuninni en virkjunarkostir eru á svæðinu og hefur Arnardalsvirkjun og Helmingsvirkjun verið nefnd í því samhengi. Báðir kostir hafa verið í verndarflokki samkvæmt rammaáætlun frá árinu 2013.

Í dómi Hæstaréttar segir að gengið hafi verið á lögvarða hagsmuni þeirra sem eiga vatnsréttindi á svæðinu og var friðlýsingin dæmd ógild. 

Hins vegar er ekki fallist á kröfu landeigenda um að Guðmundir Ingi hafi verið vanhæfur sökum þess að hann var formaður Landverndar skömmu áður en ákvörðun var tekin um friðlýsingu.

Frétt af mbl.is

Engar bætur vegna friðlýsingar Jökulsár

• 1 blogg um fréttina

Bloggað um fréttina

• Ómar Ragnarsson: Dulnefni fyrir Dettifossvirkjun, stærstu þrá virkjanafíklanna.