Steinunn Ólína byrjuð að safna undirskriftum
Setja bókamerki
Steinunn Ólína Þorsteinsdóttir leikkona hefur stofnað meðmælasöfnun fyrir forsetaframboð 2024 á island.is. Hún hefur þó ekki formlega lýst yfir framboði sínu.
Á dögunum sagðist hún vera alvarlega að hugleiða að gefa kost á sér til embættis forseta Íslands af fullum heilindum. Þá sagði hún vega þyngst hvatning bláókunnugs fólks úr röðum almennings frá áramótum, fólki sem finnst það þekkja hana, veit hvar það hefur hana, hefur lesið það sem hún hefur skrifað um samfélagsmál og veit að hún hræðist ekki mótlæti.
Ekki um hefndarframboð að ræða
Vakti það athygli á dögunum þegar hún greindi frá því á facebook-síðu sinni að hún hygðist bjóða sig fram ef Katrín Jakobsdóttir forsætisráðherra ákveður að gefa kost á sér til sama embættis. Nokkrum dögum seinna áréttaði hún að hún hyggði ekki á hefndarframboð.
„Einhverjir misskildu mig svo á páskadag að ég hyggði á einskonar hefndarframboð, ekkert slíkt vakir fyrir mér, “ segir hún í stöðuuppfærslu á Facebook.
Þá er síðan steinunnolina.is virk en þar eru engar upplýsingar um mögulegt framboð heldur einungis mynd af Steinunni.
Jón Gnarr tilkynnti fyrr í kvöld að hann ætlaði að bjóða sig fram. Eins og er hafa 61 stofnað til meðmælasöfnunar á island.is.
Sparnaður heimila vex meira en áður var talið
Sáu eldgosið brjótast út frá Snæfellsnesi
Tekist á um áður óþekkta skýrslu landlæknis
Átti ekki að láta pirring bitna á sjúklingi
Beint: Eldgos hafið við Stóra-Skógfell
Búseta skortir byggingarlóðir
Þórarinn: Tafir á höfuðborgarsvæðinu ekki minni
Hraun fór yfir Grindavíkurveg