Katrínu falið að sitja áfram – lausnarbeiðnin samþykkt
Setja bókamerki
Katrínu Jakobsdóttur forsætisráðherra hefur verið falið að sitja áfram sem forsætisráðherra. Lausnarbeiðni hennar hefur þó verið samþykkt af Guðna Th. Jóhannessyni, forseta Íslands.
Arftaka hennar er enn leitað og hafa ríkisstjórnarflokkarnir sannfært Guðna um að viðræður gangi vel og ljóst verði á næstunni hver taki við embættinu.
„Þau sitja og ræða saman“
Katrín Jakobsdóttir sagðist fyrr í dag ekki geta sagt til um hver taki við embætti forsætisráðherra. Spurð hvort stjórnarsamstarfið muni halda áfram og hver taki við embætti hennar segir hún:
„Þau sitja og ræða saman. Ég vænti þess að við fáum að heyra einhverja niðurstöðu úr því. Ég er líklega ekki rétta manneskjan til að svara þessu.“
Katrín hélt að því loknu á fund forsetans og varðist frekari fregna.
Biðst lausnar vegna forsetaframboðs
Katrín biðst nú lausnar fyrir sig og ráðuneyti sitt þar sem Katrín er í framboði til forseta Íslands. Hún hefur verið forsætisráðherra frá árinu 2017 eða í tæplega sjö ár. Hún hefur þegar sagt af sér sem formaður Vinstri grænna.
Að fundinum loknum mun forseti ávarpa fjölmiðla.
Fréttin hefur verið uppfærð.
Litlar líkur á að hraunið nái til mannvirkja
Fullvissa ferðamenn um að hér sé öruggt
Hraunið við bílastæði Bláa lónsins
„Má segja að þetta gos hafi þjófstartað“
/frimg/1/53/8/1530849.jpg)
Fatlaður drengur fær ekki þjónustu í verkfalli
Yfir 300 stæði fóru undir hraun