Ríkið er ekki að loka Múlalundi
Setja bókamerki
Fjallað hefur verið um að ríkið muni ekki veita frekara fjármagn í starfsemi Múlalundar, vinnustofu SÍBS. Undanfarin ár hafa fjárveitingar farið langt fram úr því sem gert hefur verið ráð fyrir í fjárlögum.
Guðmundur Ingi Guðbrandsson, félags- og vinnumarkaðsráðherra, segir í samtali við Morgunblaðið að nú standi yfir vinna innan ráðuneytisins og Vinnumálastofnunar sem lúti að endurskoðun vinnumarkaðsaðgerða fyrir fatlað fólk.
„Múlalundur er ekki í eigu ríkisins. Ríkið eða Vinnumálastofnun er ekki að loka Múlalundi. Fyrir okkur vakir að tryggja hagsmuni fatlaðs fólks.“
Hægt að nýta fjármagnið betur
Vinnumálastofnun telur að sögn ráðherra að miðað við starfsemina á Múlalundi sé hægt að nýta það fjármagn, sem hefur verið að renna til Múlalundar, mun betur í þágu fatlaðs fólks með því að aðstoða það að komast út á vinnumarkað.
„Okkar hlutverk er að tryggja hagsmuni fatlaðs fólks og með þessu verkefni er Vinnumálastofnun að skapa fjölbreyttari atvinnutækifæri fyrir fatlað fólk sem er algjörlega í samræmi við að aðstoða fatlað fólk til sjálfstæðs lífs í samræmi við samning Sameinuðu þjóðanna um réttindi fatlaðs fólks,“ segir Guðmundur Ingi.
Ítarlega er fjallað um málið í laugardagsblaði Morgunblaðsins.
Börnin eiga að ýta við foreldrum sínum
Ákærður fyrir stunguárás á menningarnótt
Létu lofthræðsluna ekki á sig fá
Auka aðgengi að Grindavík
Sendi nektarmyndir af dreng sem hann passaði
Ekki hægt að slá gosið út af borðinu strax
Hvatti kjósendur til þess að greiða ógild atkvæði