Skýrt skref í átt að stigmögnun
Setja bókamerki
Þórdís Kolbrún R. Gylfadóttir, utanríkisráðherra Íslands, hefur áhyggjur af frekari stigmögnun átaka í Mið-Austurlöndum.
Hún fordæmir árás Írana á Ísrael í nótt, sem er viðbragð við „ólöglegri“ árás Ísraela á ræðismannaskriftsofur Írans í Sýrlandi. Hún vonar að stríðandi öfl sýni stillingu.
Íranski herinn skaut fleiri en 300 árásardrónum og flugskeytum að Ísrael í fordæmalausum árásum í nótt.
„Það alveg ljóst að írönsk stjórnvöld hafa lengi grafið undan stöðugleika á þessu svæði,“ segir Þórdís í samtali við mbl.is.
„Með þessari beinu árás á Ísrael þá hefur Íran tekið nokkuð skýrt skref í átt að stigmögnun. Bein árás á Ísrael að hálfu annars ríkis hefur ekki átt sér stað í 50 ár.“
Hún segir að íslensk stjórnvöld bindi vonir við að árásum linni tafarlaust.
Viðbrögð við „ólöglegri“ árás á íranskt sendiráð
Árás Írana var viðbragð við árás Ísraels á ræðisskrifstofu Íran í Damaskus í Sýrlandi þann 1, apríl. Átta létust í þeirri árás, m.a. háttsettur hershöfðingi írönsku byltingarvarðanna. Þórdís kallar árásina ólöglega.
Íslensk stjórnvöld hafa fordæmt árás Írana, en fordæma þau einnig árásina í Sýrlandi þann 1. apríl?
„Árásir á borgaraleg skotmörk eiga auðvitað ekki að eiga sér stað. Það gilda alveg sérstakar reglur í alþjóðasamskiptum um friðhelgi sendiráða og ræðisskrifstofa. Við höfum séð með þessari ólöglegu árás [...] fleiri dæmi þess undanfarið að verið er að ráðast á sendiráð annarra ríka. Það eitt og sér er alvarlegt út frá þessum sérstöku reglum í alþjóðasamskiptum um friðhelgi sendiráða. Ef það verður einhver þróun sem heldur áfram er það mjög alvarlegt mál og þetta er enn eitt merki þessa vaxandi spennu í kringum okkur.“
En myndu þið fordæma ólöglegu árásina í Sýrlandi?
„Ég hef sagt skýrt að þessi árás á íranska sendiráðið í Sýrlandi sé ólögleg árás [...] og er brot á þessum reglum sem gilda í alþjóðasamskiptum, bæði hvað varðar friðhelgi sendiráða og ræðisskrifstofa,“ svarar utanríkisráðherra.
Óeðlileg viðbrögð Írana
Þrátt fyrir ólögmæti árásarinnar þann 1. apríl er árás Írana á Ísrael ekki eðlilegt viðbragð, að mati Þórdísar.
„[Árásin á Ísrael] var umfangsmikil árás sem við fordæmum og það sem skiptir máli er að aðilar sýni stillingu og hægt verði að slaka á þessari spennu en ekki auka hana,“ segir hún.
„Ef ekki væri fyrir þá stöðu að Ísrael er með eitt sterkasta loftvarnarkerfi heims, auðvitað getum við ekkert sagt til um það hvert nákvæmlega þeim var stefnt eða hvað hefði gerst.“
„Erum í miðri hrinu“: Styttist í Eldvörp
Líklega komin á seinni hluta hrinunnar í Svartsengi
/frimg/1/53/7/1530787.jpg)
Flogið á milli ljósaskipta
„Má segja að þetta gos hafi þjófstartað“
Virknin dregist saman um 600 metra
Hótar Bretum og Bandaríkjamönnum
Drónamyndskeið frá hápunkti gossins í nótt