„Hælisleitendum í Reykjanesbæ verður að fækka“
Setja bókamerki
Á fundi bæjarstjórnar Reykjanesbæjar í gær samþykkti meirihluti Samfylkingar, Framsóknar og Beinnar leiðar að samþykkja samning við félags- og vinnumarkaðsráðuneytið um samræmda móttöku 250 flóttamanna.
Bæjarfulltrúar Sjálfstæðisflokksins greiddu atkvæði gegn þessu ásamt einum bæjarfulltrúa Umbótar.
Í bókun Sjálfstæðismanna segir:
- Samningurinn gildir frá 1. janúar 2024 og það fjármagn sem greiða á stendur ekki undir þeim kostnaði sem fallið hefur á Reykjanesbæ.
- Síðasti samningur gerði ráð fyrir að flóttamönnum í samræmdri móttöku myndi vera fækkað í 150 fyrir árslok 2023. Það gekk ekki eftir.
- Enn eru umsækjendur um alþjóðlega vernd allt of margir í Reykjanesbæ og hefur illa tekist að fækka þeim.
„Sjálfstæðisflokkurinn harmar að álagið vegna flóttafólks valdi því að þjónusta sveitarfélagsins við bæjarbúa, þar með talin þau 33% íbúa sem eru af erlendu bergi brotin, sé ekki betri en raun ber vitni. Sveitarfélagið er komið langt yfir þolmörk. Hælisleitendum í Reykjanesbæ verður að fækka,“ segir ennfremur í bókun Sjálfstæðismanna.
Nokkrar skriður féllu á Vestfjörðum
„Allt í rusli“ við brúargerð á Vestfjörðum
Önnur aurskriða við Eyrarhlíð
Telja sig geta rekið Grindavík til 2026
„Einhverjir töfrar sem gerast“
Ránið var framið í strætóskýli
Sleginn yfir grófri framkomu gegn fjölskyldunni
