Vantrauststillaga felld á Alþingi

Þingsályktunartillaga um vantraust á ríkisstjórnina, þingrof og nýjar kosningar var felld á Alþingi rétt í þessu. Tillagan var felld með 35 atkvæðum gegn 25 atkvæðum. 

Flokkur fólksins og Píratar lögðu tillöguna fram og mælti Inga Sæland, formaður Flokks fólksins, fyrir henni klukkan 17 í dag. Tillagan fól í sér að Alþingi myndi álykta að lýsa van­trausti á rík­is­stjórn­ina og lýsa þeim vilja sín­um að þing verði rofið fyr­ir 26. júní og efnt verði til al­mennra alþing­is­kosn­inga þann 7. sept­em­ber.

Umræður stóðu yfir til klukkan 22.15 er hlé var gert á þingfundi. Fundur hófst að nýju um klukkan 22.30 og þá tóku fjölmargir þingmenn til máls um atkvæðagreiðslu um ályktunina.