Þetta eru viðbrögð hennar við því að meirihluti skóla- og frístundaráðs borgarinnar felldi fyrr í vikunni tillögu sjálfstæðismanna í ráðinu, um að tekið verði upp svokallað Kópavogsmódel í leikskólum borgarinnar með það að markmiði að nýta þau pláss í leikskólunum sem eru vannýtt vegna manneklu, veikinda og álags á starfsfólk.

Neita að horfast í augu við vandann

Í bókun fulltrúa Sjálfstæðisflokksins í ráðinu sem lögð var fram að fenginni framangreindri niðurstöðu segir m.a. að ljóst sé að meirihlutinn neiti að horfast í augu við þann bráðavanda sem steðji að leikskólum Reykjavíkur. Enn hafi ekki tekist að stytta biðlista barna eftir leikskólavist og meðalaldur barna við inngöngu í leikskóla hafi farið hækkandi. Meira að segja sé svo komið að sum barnanna séu komin vel á þriðja ár þegar þau komast loks í leikskóla.

„Í sumum leikskólum hefur þjónustan verið skert, senda hefur þurft börnin fyrr heim og jafnvel skerða vist þeirra um heilan dag. Þá er ekki hægt að nýta 140 pláss vegna manneklu og 363 pláss vegna framkvæmda við leikskólana vegna viðhaldsleysis. Þetta gerir samtals 510 pláss sem ekki er hægt að nýta. Þetta samsvarar því að allt að 7 leikskólar væru ekki starfandi eða lokaðir. Þrátt fyrir þessar staðreyndir lokar meirihlutinn augunum fyrir að skoða lausnir sem gefist hafa vel í öðrum sveitarfélögum,“ segir í bókuninni.

Neyðarástand

„Það ríkir neyðarástand í leikskólamálum í borginni og bitnar á barnafjölskyldum sem verða fyrir tekjumissi vegna þess að foreldrar komast ekki inn á vinnumarkaðinn eftir fæðingarorlof og þurfa jafnvel að bíða yfir þrjú ár eftir leikskólaplássi fyrir börnin sín,“ segir Marta.

Hægt er að nálgast umfjöllunina í heild sinni í Morgunblaðinu í dag.

Tengdar fréttir

Leikskólamál

Fleiri börn nú á biðlista en í fyrra

• Gerir lítið úr félaginu með málflutningnum
• Heildarkostnaður 2,3 milljarðar
• Leikskóli ónothæfur eftir tvö ár
• Tugmilljóna framkvæmd við nýjan leikskóla

» Fleiri tengdar fréttir