Konráð S. Guðjónsson, sem var ráðinn efnahagsráðgjafi ríkisstjórnarinnar í dag, hefur lagt til spurningu fyrir næstu kappræður sem forsetaframbjóðendurnir taka þátt í.

„Styður þú við þá stefnu íslenskra stjórnvalda, sem er staðfest með öllum greiddum atkvæðum á Alþingi, um að Ísland styðji við Úkraínu, með því sem þarf, gegn árás Rússlands á bæði Úkraínu og það kerfi sem tilvist okkar byggir á?“ leggur Konráð til í færslu á X, áður Twitter.

Konráð lét fylgja með hlekk á skoðanapistil sem skrifaður var af Bjarna Má Magnússyni, prófessor og deildarforseta lagadeildar Háskólans á Bifröst, á Vísi.

For­seta­fram­bjóð­endur undir á­hrifum Kreml­verja?

Greinin hans Bjarna ber heitið Forsetaframbjóðendur undir áhrifum Kremlverja? og var hún birt í kjölfar kappræðna á Stöð 2 í gær.

„Í sjónvarpskappræðum í gær virtust nokkrir frambjóðendur telja að Ísland væri hlutlaust ríki. Það er efnislega rangt. Ísland hvarf endanlega frá hlutleysisstefnu sinni, sem lýst er í 19. gr. sambandslagasamningsins frá 1918, þann 14. júní 1941 með herverndarsamningnum við Bandaríkin. Það þýðir að íslenska lýðveldið hefur aldrei talist hlutlaust,“ skrifar Bjarni og bætir við:

„Í því samhengi má jafnframt hafa í huga að Ísland er stofnaðili að öflugasta hernaðarbandalagi allra tíma, Atlantshafsbandalaginu og er því langt frá því að vera hlutlaust ríki. Með þessari aðild tekur Ísland sér stöðu með þeim ríkjum heims sem standa vörð um vestræn gildi; svo sem lýðræði, mannréttindi og réttarríkið.“

Frétt af mbl.is

Konráð nýr efnahagsráðgjafi ríkisstjórnarinnar

Tengdar fréttir

Forsetakosningar 2024

Eyddi 65 þúsund krónum fyrir hvert atkvæði

• Hátt í átta milljónir komu úr vasa Ástþórs
• Framboð Katrínar kostaði 57 milljónir
• Kosningabarátta Höllu kostaði 26 milljónir
• Frambjóðendum gert að skila uppgjöri

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Pútín ógnar ekki Íslandi