Þrettán ungliðahreyfingar fordæma útlendingafrumvarp dómsmálaráðherra.

Þetta kemur fram í tilkynningu frá ungliðahreyfingunum.

„Við sem ungmenni í landinu höfum verulegar áhyggjur af áframhaldandi neikvæðri þróun núverandi ríkisstjórnar í málefnum útlendinga,“ segir í tilkynningunni.

Gangi gegn því sem er barni fyrir bestu

Krefjast ungliðahreyfingarnar þess að allar lagabreytingar sem séu á dagskrá verði gerðar með mannréttindi að leiðarljósi.

Félögin telja að frumvarpið muni leiða til lengri biðtíma barna til að sameinast fjölskyldu sinni og hugi ekki að því sem sé börnum fyrir bestu.

„Undirrituð félög krefjast þess að ný útlendingalög verða samin í samráði við sérfræðinga í málaflokknum, mannréttindasamtök og hagsmunaaðila. Lög um alþjóðlega vernd verða að vera gerð með mannréttindi að leiðarljósi,“ segir í tilkynningunni.

Félögin sem standa að baki þessu eru eftirfarandi:

1. Ungheill, ungmennaráð Barnaheilla
2. Q-félag hinsegin stúdenta
3. Röskva- samtök félagshyggjufólks við Háskóla Íslands
4. Ungliðahreyfing Íslandsdeildar Amnesty International
5. Háskólahreyfing Amnesty
6. Femínistafélag Háskóla Íslands
7. Antirasistarnir
8. Ungir umhverfissinnar
9. Ungmennaráð UNICEF
10. Ungmennaráð UN women
11. Ungt jafnaðarfólk
12. Ungir píratar
13. Ungir sósíalistar

Tengdar fréttir

Útlendingafrumvarp 2024

Bæjarfulltrúi segir sig úr Samfylkingunni

• „Er til bóta en búið að þynna það allt of mikið“
• Frumvarpið fallið á prófum um mannúð og skilvirkni
• Skilaboðin þau að flóttamenn séu hættulegir
• Hvergi nærri hætt – Boðar annað útlendingafrumvarp

» Fleiri tengdar fréttir

• 1 blogg um fréttina

Bloggað um fréttina

• Wilhelm Emilsson: Ungliðar og útlendingalög