Breytingar á gjaldsvæðum bílastæða í borginni

Breytingar verða gerðar á gjaldsvæðum bílastæða í Reykjavík innan tíðar.

Breytingarnar eiga við um gjaldsvæði 1 og 2, samkvæmt tilkynningu frá Reykjavíkurborg.

Þar segir að talningar á gjaldsvæði 2 frá því árslokum síðasta árs sýni mikla og stöðuga nýtingu bílastæða á jöðrum núverandi gjaldsvæða.

Gjaldtaka við HÍ hefst í haust

Stækkun gjaldssvæðis 1 við Háskóla Íslands kemur til vegna þess að almenn gjaldtaka hefst á bílastæðum við skólann í haust.

Gjaldsvæði 1 verður stækkað á Sturlugötu

Gjaldsvæði 2 verður stækkað á eftirfarandi stöðum:

1. Aragata
2. Egilsgata, bílaplan við Hallgrímskirkju
3. Eiríksgata, bílaplan við Hallgrímskirkju
4. Oddagata
5. Seljavegur
6. Sæmundargata
7. Vesturgata milli Ánanausta og Stýrimannastígs

Breytingarnar voru samþykktar á fundi umhverfis- og skipulagsráðs Reykjavíkurborgar í morgun.

Áður en farið verður að innheimta gjald verður komið upp viðeigandi merkingum og greiðslubúnaði þar sem þörf er á. Breytingarnar verða kynntar vel áður en gjaldskylda verður tekin upp.

• 1 blogg um fréttina

Bloggað um fréttina

• Sigurður Kristján Hjaltested: Fjárhagsvandi Reykjavíkur leystur..