Kerfisbilun ekki haft áhrif á flugumferð
Klara Ósk Kristinsdóttir
Setja bókamerki
Kerfisbilun Microsoft hefur ekki haft nein áhrif á flugumferð Icelandair en kerfi flugfélagsins eru hýst hjá tæknirisanum.
„Við erum með mikla Microsoft-innviði,“ segir Guðni Sigurðsson upplýsingafulltrúi Icelandair í samtali við mbl.is.
Þrátt fyrir það segir hann umrædda bilun ekki hafa haft nein áhrif á kerfi flugfélagsins.
Unnið sé að því að greina málið og er frekari upplýsinga að vænta síðar í dag, að sögn Guðna.
Öll flug Play á áætlun í morgun
Að sama skapi gætir áhrifanna ekki hjá flugfélagi Play, að sögn Nadinar Guðrúnar Yaghi, upplýsingafulltrúa félagsins, en kerfi félagsins eru hýst hjá AWS, eða Amazon Web Services.
Aðspurð segir hún allar flugferðir félagsins hafa verið á áætlun í morgun. Flugfélagið sé þó vakandi og fylgist vel með stöðu mála í dag.
„Enn sem komið er höfum við ekki heyrt af neinni seinkun,“ segir Nadine.
Þá hafa örðugleikarnir ekki heldur haft nein áhrif á Keflavíkurflugvelli að sögn staðgengils upplýsingafulltrúa Isavia.
Nágrannaþjóðir upplýstar en við vöðum í blindni
Auglýsingin var villandi
„Tímabil aukinnar eldvirkni“
„Mamma fór að hágráta“
Ók á hóp fólks á jólamarkaði: Einn látinn
Lát hjóna í Neskaupstað: Ákæra gefin út
Stóðu skógarþjófa að verki