„Ætlum ekki að leyfa frjálshyggjunni að sigra“
Setja bókamerki
Hvort að Guðmundur Ingi Guðbrandsson, starfandi formaður Vinstri grænna, fari í formannsframboð í október er enn óljóst. Hann segir þó að flokkurinn megi ekki leyfa „frjálshyggjunni að sigra“.
Flokksráðsfundur Vinstri grænna stendur nú yfir í Reykjanesbæ og Guðmundur Ingi sagði á fundinum að flokkurinn þyrfti að fara aftur í ræturnar og skerpa á áherslum í umhverfismálum og í vinstrimálum.
„Ég hef ekki tekið ákvörðun um framboð, en hver sem ákvörðun mín verður, þá er alveg ljóst að ég mun vinna áfram að baráttumálum okkar og fyrir hreyfinguna okkar af fullum krafti. Framlag okkar allra skiptir máli sama hvar við stöndum í stafni.
Að lokum ætla ég bara að segja: Við ætlum ekki að gefast upp. Við ætlum ekki að leyfa frjálshyggjunni að sigra,“ sagði Guðmundur á flokksráðsfundinum.
Landsfundur eftir sjö vikur
Landsfundur Vinstri grænna verður haldinn eftir sjö vikur þar sem flokkurinn mun kjósa sér nýja forystu en enginn hefur tilkynnt framboð.
Bæði Guðmundur og Svandís Svavarsdóttir innviðaráðherra hafa verið sterklega orðuð við framboð.
Sjálf hefur Svandís sagt að ótímabært sé að gefa það upp hvort að hún ætli í formannsframboð eða ekki.
Stormur á Þorláksmessu en víðast hvar stefnir í hvít jól
Helgi Magnús mætir til starfa í dag
Kristrún Frostadóttir verður forsætisráðherra
„Tímabil aukinnar eldvirkni“
Samfylking og Viðreisn gáfu loforð
„Börn heima sem maður myndi vilja hafa í skjóli“
Funda með þingflokkum