Leikskólareiknirinn, sérstök reiknivél sem sýna á foreldrum barna í Reykjavík áætlaða spá um stöðu barna sinna á biðlista eftir leikskólaplássi, er í sumarleyfi til 1. desember næstkomandi. Þetta kemur fram á heimasíðu borgarinnar.

Athygli mbl.is var vakin á þessari staðreynd í kjölfar þess að Einar Þorsteinsson, borgarstjóri, nefndi reikninn sérstaklega í viðtali í Spursmálum í sambandi við öfluga upplýsingagjöf til foreldra í höfuðborginni.

Þegar farið er inn á Leikskólareikni Reykjavíkur er tilkynnt að hann sé í sumarfríi til 1. desember næstkomandi. Skjáskot

Öfundsverður búnaður

Hann sagði þar meðal annars:

„Ég held reynd­ar að borg­in sé lík­lega með bestu upp­lýs­inga­gjöf­ina þegar kem­ur að þessu stóra verk­efni að út­hluta börn­um leik­skóla­plássi. Við opnuðum þarna sta­f­rænt form, leik­skóla­reikn­inn, sem á að svara þessu. Hann leys­ir ekki leik­skóla­vand­ann, en hann veit­ir upp­lýs­ing­ar og ég heyri það frá for­eldr­um úr öðrum sveit­ar­fé­lög­um, meðal ann­ars þínu sveit­ar­fé­lagi í Garðabæ, að þetta er að gagn­ast mjög vel, að þau eru að skoða, bíddu hérna er leik­skóli, svona eru marg­ir með þenn­an skóla í fyrsta vali og annað val.“

Einar Þorsteinsson er gestur Spursmála. Hann hefur gegnt embætti borgarstjóra í sjö mánuði. mbl.is/Brynjólfur Löve Mogensson

Óáreiðanlegar upplýsingar

Á heimasíðu borgarinnar segir hins vegar:

„Leikskólareiknirinn er í sumarfríi til 1. desember 2024. Verið er að úthulta plássum og biðlistatölur geta verið óáreiðanlegar á meðan á því stendur.“

Frétt af mbl.is

Meðalaldur við inntöku liggur ekki fyrir

Ekki kemur fram á heimasíðu borgarinnar hvenær Leikskólareiknirinn tók að ganga á áunnið orlof sitt en hins vegar staðfesta upplýsingarnar að upplýsingagjöf til foreldra liggur niðri að minnsta kosti þriðjung ársins.

Frétt af mbl.is

Börnum og starfsfólki var stefnt í hættu

Þegar Leikskólareiknirinn var kynntur til leiks í mars síðastliðnum sagði í tilkynningu frá borginni að honum væri ætlað að fækka símtölum til skóla- og frístundasviðs borgarinnar og að hann myndi um leið einfalda upplýsingagjöf til borgarbúa. Þá sagði borgin að reiknivélinni væri ætlað að auka gagnsæi í upplýsingamiðlun og „sýna stöðuna eins og hún er hverju sinni.“

Viðtalið við Einar Þorsteinsson í Spursmálum má sjá og heyra í heild sinni í spilaranum hér fyrir neðan.

Tengdar fréttir

Spursmál

Spursmál: Lífróður Sigurðar Inga og Samfylkingin lækkar flugið

• Ný könnun í Spursmálum: Er Sigurður Ingi fallinn?
• Tíðindi í nýrri könnun: Framsókn út af þingi
• Aðildarviðræður við ESB kannski skilyrði
• Kosningaspá: Þrír flokkar skilja sig frá

» Fleiri tengdar fréttir

• 1 blogg um fréttina

Bloggað um fréttina

• Birgir Örn Guðjónsson: Ömurlegt !