Stjórn Meistarafélags iðnaðarmanna í Hafnarfirði, MIH, hefur sent frá sér ályktun þar sem hún harmar ummæli seðlabankastjóra á síðasta kynningarfundi bankans um óbreytta stýrivexti.

„Ummæli seðlabankastjóra: „Allir komnir að smíða sem geta haldið á hamri“, eru taktlaus og röng. Það eru fyrst og fremst háir stýrivextir og viðvarandi lóðaskortur sem hefta íbúðauppbyggingu um þessar mundir,“ segir í ályktuninni þar sem bent er á nýlega greiningu Samtaka iðnaðarins meðal verktaka sem sinna íbúðauppbyggingu.

„Getur ekki firrt sig ábyrgð“

Fram kemur í ályktuninni að öllum sem starfi í byggingariðnaði sé ljóst að háir stýrivextir séu að draga úr nauðsynlegri uppbyggingu íbúðarhúsnæðis. Hefja þurfi strax aukna uppbyggingu íbúðarhúsnæðis. Skortur á því hafi komið fram í hraðri hækkun íbúða- og leiguverðs, mikilli og þrálátri verðbólgu og háum stýrivöxtum sem bitni á öllum landsmönnum.

mbl.is/Eggert Jóhannesson

„Seðlabankastjóri getur ekki firrt sig ábyrgð á þeim framboðsvanda sem er til staðar á íbúðamarkaði en sá vandi er að stórum hluta tilkominn vegna hárra stýrivaxta. Stjórn Meistarafélags iðnaðarmanna í Hafnarfirði lýsir yfir fullum vilja og getu félagsmanna sinna til að taka þátt í aukinni uppbyggingu húsnæðis til framtíðar. Til þess þarf þó aukið framboð lóða hjá sveitarfélögum og lækkun stýrivaxta,“ segir í ályktuninni.

Tengdar fréttir

Vextir á Íslandi

Indó lækkar vexti

• „Ekki svigrúm til frekari launahækkana“
• Óttast að fólk fari aftur að eyða peningum
• Skiptir mestu máli að fjárlögin voru samþykkt
• Gera ekki ráð fyrir að samhljómurinn verði rofinn

» Fleiri tengdar fréttir

Húsnæðismarkaðurinn

Búseta skortir byggingarlóðir

• Horfa út fyrir Reykjavík vegna bílstæðaskorts
• „Það er verið að byggja rangar íbúðir“
• Skortur á bílastæðum fælir frá
• Sjö af 160 íbúðum seldust

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: VÆRI EKKI ÚR VEGI FYRIR HANN AÐ VERÐA SÉR ÚTI …