Halla og Guðrún í broddi fylkingar
Setja bókamerki
Alþingi verður sett í dag, en þingsetningarathöfnin hófst kl. 13:30 með guðsþjónustu í Dómkirkjunni. Gengu forseti Íslands, biskup Íslands, forseti Alþingis, ráðherrar og alþingismenn fylktu liði til kirkjunnar úr Alþingishúsinu.
Biskup Íslands, Guðrún Karls Helgudóttir, prédikaði og þjónaði fyrir altari ásamt séra Elínborgu Sturludóttur dómkirkjupresti.
Guðmundur Sigurðsson dómorganisti stjórnaði Kammerkór Dómkirkjunnar og lék á orgel. Sigurður Flosason saxófónleikari lék með í forspili og eftirspili.
Að guðsþjónustu lokinni er gengið aftur til þinghússins og forseti Íslands, Halla Tómasdóttir, setur Alþingi, 155. löggjafarþing. Schola Cantorum syngur við þingsetninguna.
Hlé verður gert á þingsetningarfundi til kl. 16:00. Þá verður hlutað um sæti þingmanna og fjárlagafrumvarpi fyrir árið 2025 útbýtt.
Stefnuræða forsætisráðherra og umræður um hana verða annað kvöld kl. 19:40.
Fjármálaráðherra mælir svo fyrir frumvarpi til fjárlaga fyrir árið 2024 á fimmtudaginn.
Rannsókn á menningarnæturmáli lokið
Fæðuöryggi: „Áttum mat í þrjár vikur“
Vilja 20 ára dóm í frönsku nauðgunarmáli
Heimildarmenn tala um hápólitískt drama
Dæla, kæla og verja mikilvæg mannvirki
Formaðurinn útilokar ekki undirritun í kvöld
Hvatti kjósendur til þess að greiða ógild atkvæði