Viðbúnaður vegna tilkynningar um hvítabjörn

Nú fyrir skömmu síðan fékk lögreglan á Vestfjörðum tilkynningu um að hvítabjörn hefði gengið á land á Höfðaströnd í Jökulfjörðum.

Þetta kemur fram í tilkynningu frá lögreglunni. 

„Lögreglan á Vestfjörðum hefur, að höfðu samráði við Umhverfisstofnun, kallað út þyrlu LHG ásamt því að björgunarbáturinn Kobbi Láka er nú þegar farinn af stað með tvo lögreglumenn frá Ísafirði. Ætlunin er að tryggja öryggi þess fólks sem kann að vera á svæðinu.

Fólk sem er á svæðinu er hvatt til þess að halda sig innandyra þar til lögreglan gefur út frekari tilkynningar,“ segir í tilkynningunni.