Óvíst hvort niðurstaðan verður kærð
Setja bókamerki
Tengdar fréttir
Samherji í Namibíu
Eva Hauksdóttir, lögmaður Páls Steingrímssonar, segir að ekki hafi verið tekin afstaða til þess hvort niðurstaða byrlunarmálsins svokallaða verði kærð til ríkissaksóknara.
Lögreglan á Norðurlandi eystra greindi frá því fyrr í dag að málið hefði verið látið niður falla eftir rúmlega þriggja ára rannsókn.
/frimg/1/32/47/1324721.jpg)
Aðspurð segir Eva að niðurstaðan hafi ekki komið sér á óvart. „Þetta er búið að dragast alveg von úr viti. Það er þannig í sakamálum að það eru gerðar ríkar sönnunarkröfur, sem betur fer. Ég get ekki sagt, miðað við framkvæmd á þessum málum og verklag lögreglunnar almennt, að þetta komi neitt sérstaklega á óvart,“ segir hún.
„En það er ýmislegt sem ég hef við þessa rannsókn að athuga. Það er margt sem ég hefði viljað sjá að yrði gert betur. Ég vil hins vegar ekki fara út í þá sálma akkúrat núna.“
Spurð út í óvenju langa facebookfærslu lögreglunnar þar sem gert var grein fyrir niðurstöðunni segir Eva: „Það er óvenjulegt að lesa svona og ég held að það segi alveg sitt. En ég held að það verði hver að túlka það fyrir sig.“
Eva og Páll hafa einn mánuð til að ákveða hvort þau ætla að kæra ákvörðunina til ríkissaksóknara.
Tengdar fréttir
Samherji í Namibíu
Búseta skortir byggingarlóðir
Óttast að fólk fari aftur að eyða peningum
Spara stórfé með olíukaupum ytra
Heitt vatn fannst sem gæti annað 10 þúsund manns
Tekist á um áður óþekkta skýrslu landlæknis
Gosið gæti varað lengur: Meiri fyrirstaða í gosrásinni
Einar skorar á næstu ríkisstjórn
Skiptir mestu máli að fjárlögin voru samþykkt