Þórunn Sveinbjarnardóttir, þingmaður Samfylkingarinnar, segist hafa ákveðið að gefa eftir oddvitasæti sitt hjá Samfylkingunni í Kraganum. Þetta tilkynnti hún á Facebook-síðu sinni í dag. Ef að líkum lætur verður það Alma Möller landlæknir sem verður stillt upp í oddvitasæti fyrir flokkinn.

Eins og fram kom á dögunum hyggst Alma bjóða sig fram fyrir flokkinn og sækist hún eftir eftsta sæti á lista. 

Frétt af mbl.is

Vill leiða lista Samfylkingarinnar í Suðvesturkjördæmi

Ákall um endurnýjun á toppnum 

„Þessi helgi hefur sannarlega verið viðburðarík í pólitíkinni jafnt innan Samfylkingarinnar sem og hjá höfuðandstæðingi okkar Sjálfstæðisflokknum. Mig langar til að segja ykkur að á fundi með fulltrúum í uppstillingarnefnd í dag ákvað ég að taka þriðja sætið á framboðslistanum. Það er ákall eftir endurnýjun á toppnum og ég ákvað að verða við því ákalli.

Ég er þannig gerð að ég kýs að vera gerandi í eigin lífi og þess vegna er þetta ákvörðun mín. Ég vona að þið styðjið mig áfram sem hingað til, kæru vinir. Þegar uppstillingarnefnd lýkur störfum sínum verður framboðslistinn lagður fyrir á fundi kjördæmisráðs til afgreiðslu. Félagar mínir í Suðvesturkjördæmi eiga að sjálfsögðu síðasta orðið,“ segir Þórunn á Facebook-síðu sinni.

Tengdar fréttir

Alþingiskosningar 2024

Sjálfstæðisflokkurinn „á einhvern hátt stjórnlaus“

• Beint: Kosningafundur eldri borgara með frambjóðendum
• „Þetta er vitlaus hugmynd“
• Maskína: Framsókn í fallbaráttu
• Hvað gerðist eiginlega í VMA?

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Þórunn í bílskúrinn